Kryebashkiaku i Fierit, Armando Subashi është paraqitur në Komisionin Hetimor ku do të japë dëshminë e tij për Inceneratorët. Pyetjet e para që u bënë ndaj tij ishin për të konfimruar nëse ishte takuar apo jo me Klodian Zoton, pronarin e inceneratorëve.
Subashi pranoi se ishte takuar me Zoton dhe tha se gjatë takimit kishte zhvilluar biseda për çështje teknike në lidhje me djegien e mbetjeve.
Jorida Tabaku: Ju jeni takuar me Mirel Mërtirin, Klodian Zoton e Stela Gugallen
“Po, kam pasur biseda dy-tre herë në momentin që nisëm të depozitonim mbetjen në impiantin e ri. Kemi bërë disa biseda për çështje teknike si do të shkojnë mbetjet si do depozitohen kryesisht kemi folur edhe për orarin. Kemi kërkuar që impianti të qëndrojë hapur edhe gjatë natës kemi gjetur mirëkuptimin dhe kaq”, tha Subashi.
