Prej disa ditësh avokati Altin Goxhaj ka qenë i shtruar pranë repartit të infektivit në QSUT, pasi kishte një gjendje helmimi, e cila ende nuk është zbuluar se prej çfarë i është shkaktuar.
Përmes një statusi në Fb ai njofton se mëngjesin e sotëm i ka pasur të gjitha parametrat jetësor në gjendje normale, ndërsa shton se do të largohet jashtë vendit për diagnostikim në më saktë.
Avokati falenderon gjithë miqtë e tij për mbështetjen që i kanë dhënë ndërsa premton se tani fillon lufta e vërtetë me Establishmentin Për Shqipërinë.
Postimi i plotë i Goxhajt:
Sot është mëngjesi i parë që i kam të gjithë parametrat në rregull që nga ushqyerja e deri te nxjerrja jashtë por ende s’kemi gjetur diagnozën e kujt helmimi. Temperatura është stabilizuar dhe s’ka më 40 gradë. Dhimbjet dhe lodhja kanë ikur.
Ndaj përveç se të mbaroj serumet do iki jashtë për disa ditë për të bërë diagnostikimin e plotë. Në këmbë më keni që sot. Ndaj ju falënderoj për superinkurajimin dhe ju premtoj që tani fillon lufta e vërtetë me Establishmentin Për Shqipërinë! Ju dua shumë shumë shumë.
Tani pas 2 javësh jam duke pirë për herë të të parë, kafen e mëngjesit poshtë pavionit të Infektivi
Mjeku Ilir Allkja në një shkrim të postuar dje në Facebook bëri me dije se kishte qenë mjeku i parë që kontrolloi gjendjen e avokatit dhe e ka shoqëruar në urgjencën e QSU “Nënë Tereza”.
Allkja shkruan se në 26 vite punë si mjek nuk ka parë rrethanë të tillë sëmundjeje.
“Une isha mjeku që e kontrollova për herë të parë në të gdhirë të datës 11 nëntor avokatin, dhe e shoqërova për në urgjencën e spitalit indektiv të QSU “Nënë Tereza”.
Isha dhe dje tek shtrati ku po vuan semundjen miku im i vjetër, dhe zëri që dridhej i babait të avokatit më ka mbet në mendje. Kurr ne 26 vite punë si mjek nuk kam parë rrethanë të tillë sëmundje !
Zoti qoftë me ty miku im i vjetër Altin Goxhaj !”- shkruan Allkja.
(E.K/Faxweb.al)
