Vërshimi i reshjeve të dendura të shiut ka çuar në përmbytjen e menjëhershme të 35-familjeve në bashkinë “Kamëz”. Prej një muaji 15-të prej tyre janë strehuar në një palestër në shkollën e mesme “Gramoz Palushi” nga Ministria e Brendshme, në Babrru.
Të mbërthyer nga ankthi për rrugëzgjidhjen e këtij problemi, ata shprehen se qeveria i ka lënë në harresë duke mos mbajtur asnjë përgjegjësi. Të shpallur në kushte emergjente, dhe pas asnjë shpresë nga bashkia dhe pushteti vendor, një nga grevistët Merush Asllanaj, tentoi të vetëvritej me çarçaf në koshin e palestrës.
Mirëpo akti i vetëflijimit të grevistit është ndaluar nga punonjësit e uniformave blu të cilët monitoronin grevën. Duke kërkuar zgjidhjen e këtij problemi grevistët shprehen se bashkia Kamëz, e cila ka nën administrim lagjen e Babrrusë, nuk mban asnjë përgjegjësi, duke u justifikuar për mungesën e fondeve, e kësisoj duke ja lënë peshën pushtetit vendor me atë të Këshillit të Ministrave.
Discussion about this post