Këto janë disa nga format ku tregohet zhvillimi i sëmundjes së zemrës dhe diabetit në trupin tonë. Në një kategorizim të tillë tregohen edhe forma e trupit të cilat janë më të predispozuara për tu përfshirë nga këto sëmundje.
Forma “dardhë” e trupit, si aktorja Kate Winslet apo ylli ‘Mad Men Christina Hendricks, tregon se jeni më pak të rrezikuar të prekeni nga sëmundjet e zemrës ose diabeti.
Ndërsa, personat që kanë formë të trupit si “molla”, janë më shumë të rrezikuar nga tensioni i lartë i gjakut dhe nivelet e larta të kolesterolit. Në këtë përfundim ka arritur një studim i kryer tek më shumë se 430 mijë njerëz. Njerëzit me formë të trupit si molla janë gjithashtu më të rrezikuar nga intoleranca ndaj insulinës, që e bën më të vështirë për trupin të përpunojë sheqerin.
Rezultatet e këtij studimi, të cilat janë publikuar tek revista JAMA, mund të shërbejnë si paralajmërim për sëmundjet që rrezikojnë jetën.
Për vite me radhë, forma e trupit si “dardhë” është konsideruar si më e shëndetshme. Tani, për herë të parë, shkencëtarët kanë zbuluar një lidhje shkak-pasojë mes formës së trupit si “mollë” dhe sëmundjes koronare të zemrës dhe diabetit të tipit 2, i lidhur me obezitetin.Sipas shkencëtarëve dhjami i belit tek format e trupit si “mollë” rrethojnë organet jetësore të trupit. Ai prodhon hormone dhe substanca të tjera kimike që ndërhyjnë tek tensioni i gjakut, nivelet e kolesterolit dhe sheqerit në gjak, të cilat kontrollohen nga insulina, shkruan gazeta Shëndeti+.
Si pasojë ai rrit rrezikun për zhvillimin e një sërë problemesh shëndetësore, si sëmundjet e zemrës, diabeti dhe goditja në tru. Obeziteti, i përcaktuar zakonisht nga indeksi i masës trupore, është shkaktari kryesor i diabetit të tipit 2 dhe sëmundjeve të zemrës. (J.V/Shuplaka)
