Pas zbardhjes së përgjimeve të rrjetit të prostitucionit në Tiranë, ku përfshihej Hermes Nikaj (i arrestuar) dhe modeatorja Dajana Shabani, ka reaguar edhe ish-deputeti Petrit Vasili i cili ka ngritur edhe një pyetje ndaj SPAK.
Vasili shkruan se në përgjimet e fundit del qartë se si 30 qershori ishte një këllirë politike ndërsa shton se blerja e votës si dhe e vërteta për zgjedhjet moniste të organizuar nga Rama ka dalë sheshit.
“Nese SPAK i ben bisht hetimit te krimit elektoral qeveritar ashtu sic beri prokuroria e Arta Markut, qe i coi dosjet ne Diber, kujt i duhet më ky SPAK?”, shkruan Vasili.
Reagimi i plotë:
Krimi zgjedhor, pas dosjeve184 dhe 339, tani edhe Zogu e Dajana, ç’pret SPAK ??
Blerja e votave eshte themeli i shkaterrimit dhe kapjes se shtetit ligjor.
Blerja e votave eshte mburoja politike e korrupsionit pa fre.
Blerja e votave blen drejtesine dhe mbron kriminelet me pushtet.
Ne pergjimet e fundit del qarte se si 30 qershori ishte nje kellire politike dhe pergjimet e te famshmit Zogu i Tiranes dhe Dajanes vertetojne sheshit blerjen e neveritshme te votes per te legjitimuar votimet moniste te Edi Rames.
Te vertetat jane sheshit,jane publike,po bubullojne dhe njeherazi me to dita dites po shperbehet e po shkretohet Shqiperia sepse qeverisin hajdutet e kriminelet e votave ne pushtet deri ne krye te qeverise e te parlamentit.
Krimi elektoral ku eshte vertetuar se qe nga Kryeministri e deri tek ministrat,deputete,drejtore,
shefa policie etj jane provuar nga pergjimet e dosjes 184 dhe 339 si autore te tij,duhet te hetohen nga SPAK-u sepse eshte objekt i SPAK-ut, ndryshe cdo fjale eshte demagogji boshe.
Nese SPAK i ben bisht hetimit te krimit elektoral qeveritar ashtu sic beri prokuroria e Arta Markut, qe i coi dosjet ne Diber, kujt i duhet më ky SPAK?
Nje SPAK qe do ti shmanget ceshtjes me kritike ne Shqiperi ku qeveria dhe krimi te bera njesh grabisin voten me para e kercenime gjithfaresh pushtetin e qytetareve, eshte nje SPAK, qe vdes pa lindur ende.
Hetimi i krimit elektoral eshte prova e te vertetes per SPAK per te ndare ne se ai zbaton ligjin apo zbaton ligjin e rilindjes.
Populli nuk do ta lejoje,por populli po vezhgon me zemerim shperthyes edhe “drejtesine e re” dhe SPAK-un se si po vepron ajo dhe a do te jene zbatuese te kushtetutes dhe ligjit apo do te jene masha ne duart e Edi Rames dhe rilindjes dhe do te zbatojne ligjin e kusareve.
Më herët, edhe Sekretari për Çështjet Ligjore në Partinë Demokratike, Gazment Bardhi ka komentuar zbardhjen e përgjimeve për të cilat thotë se blerja e votës nga Edi Rama dhe Erion Veliaj është e kudogjendur.
Sipas Bardhit, në këtë rrjet kriminal, u konstatua se vota u shit me 20 mijë lekë, ndërsa sipas tij, akoma më e rëndë është kur në këtë pazar kriminal përfshihet një prezantuese televizive.
“Për Prokurorinë e Posaçme Kundër Korrupsionit (SPAK) dosja e re për blerjen e votës në Tiranë në votimet moniste të 30 Qershorit, është një test për t’i dhënë fund pandëshkueshmërisë së korrupsionit dhe krimit elektoral!”, shkruan Bardhi (E PLOTË)
(F.GJ/FAXWEB.AL)
