Zyrtarja e lartë e BE-së Federika Mogherini është shprehur se vërejtjet për drogën ndaj qeverisë shqiptare i ka bërë që vitin e kaluar dhe pret që kjo çështje të merret seriozisht.
Sa i përket rastit Tahiri ajo u shpreh se nuk preferon të bëjë komente në lidhje me hetimet që kryhen nga ana e autoriteteve ligjzbatuese.
“Jo vetëm në vërejtjet e mija, edhe vitin e shkuar edhe në Tiranë e kam deklaruar që çështja e drogës duhet të merret shumë seriozisht, me të gjithë mbështetjen politike.
Agjensitë ligjzbatuese janë duke bashkëpunuar me partnerët ndërkombëtarë, normalisht me çështjen italiane, nuk dua të bëj asnjë koment në lidhje me hetimet që zhvillohen aty. Respektoj dhe admiroj që këto çështje të mbeten jashtë diskutimeve politike.
Shoh vendosmëri dhe shoh që ka bashkëpunim. Duhet të shohim tashmë rezultate konktrete, ky nuk është kusht i BE-së, është kusht që është vendosur nga ana e popullit shqiptar. Është e rëndësishme që të ketë vendosmëri dhe të arrijmë në hapa konkrete. Ky progres duhet të jetë i vazhdueshëm dhe i angazhuar”, u shpreh Mogherini.
(E.K/FAXWEB)
Discussion about this post