Zyrtarët e lartë Gjerman ditën e sotme për herë të dytë e kanë përsëritur kërkesën e tyre për shtyrjen e ditës së zgjedhjeve dhe krijimin e kushteve për një dialog të mundshëm.
Kanë qënë Johann David Wadephul, zëvendëskryetar i grupit parlamentar CDU/CSU në parlamentin gjerman dhe njëherazi drejtues i grupit të punës së Ballkanit Perëndimor, si dhe Christian Schmidt, CSU, raportuesi për Shqipërinë në Komisionin e Jashtëm dhe ish-ministër federal të cilet në një deklaratë për Deutsche Ëellen i kanë shprehur këshillat e tyre si një çelës I mundshëm zgjidhjeje, duke theksuar dhe një herë mbështetjen e Gjermanisë.
Ka qënë Top Channel i cili në një lidhje të drejtëpërdrejtë me gazetaren Anila Shuka e cila mori deklaratën e dy deputetëve.
Shuka ka raportuar nga Berlini për për mesazhin e deklaratës së dytë të deputetëve gjermanë.
“ Ishte hera e dytë brenda 10 ditësh që të njëjtët deputetë kanë bërë të njëjtën kërkesë, dialog pa kushte. Por kanë shtuar edhe dy detaje, është thënë se nuk mund të ketë tabu. Këtu hyn si shtyrja e datës së zgjedhjeve, siç thuhet në deklaratë, por ashtu edhe dorëheqja e kryeministrit, siç dëgjova sot nga qarqet e Unionit kristian-demokrat dhe kristian-social.
Këto as nuk duhen vënë si parakushte për të hyrë në dialog, por as nuk duhen përjashtuar si opsione. Mesazhi që vjen nga 2 deputetët gjermanë është i qartë, se: Ata nuk do të jenë të gatshëm ta pranojnë zgjedhjet lokale pa pjesëmarrjen e opozitës, por edhe pa u zgjidhur kriza politike në Shqipëri të japin ‘OK’ e tyre për çeljen e negociatave.”- është shprehur Shuka.
Ditën e djeshme në kuadër të deklaratës së dy deputetëve kane reaguar dhe liderat e partive kryesore në Shpipëri, Basha dhe Rama.
Discussion about this post