Pikëpyetjet e mia postzgjedhore

Nga Zamira Çavo

-A do e urojnë sot Ramën, Basha dhe Meta?

– A do vazhdojnë më opinionistët të “opnionizojnë” publikun me budallallëqe preferenciale interesash?

– A do të vazhdojnë “demokratët” të fajsojnë Bashën për këtë humbje?

– A do ketë kurajo Presidenti i ardhshëm të japë dorëheqjen pas sjelljes tejet të politizuar që demostroi në fushatë?

A do të dijë ta lexojë si duhet z Rama këtë produkt zgjedhor?

Përgjigjet e mia janë :

– As Meta por kam frikë se as Basha nuk do guxojnë të kryejnë aktin normal të urimit të kundërshtarit politik për fitoren.

– Opinionistët tanë do të vazhdojnë të llomotisin aq kohë sa ekranet e tv do i quajnë “opinionistë”.

– Bashën do vazhdojnë ta kritikojnë më shumë ata demokratë që asnjëherë vetë nuk kanë treguar se janë të aftë të bëjnë as sa gjysma e tij.

– Ilir Meta me egërsinë e tij do vazhdoj të rezistojë për të krijuar “ gjendje të pasigurisë” dhe të “njolosë” situatën dhe gjithë procesin zgjedhor. Realisht LSI ka shkuar përtej pritshmërive të mia personale dhe unë e mendoj si arritje, por jam e bindur që z Meta e shikon si disfatë. Duke dalë në opozitë Lsi rrezikon të shndërrohet në një parti “agresive” me tendencë rrudhjen e saj.

– Z Rama jam e sigurtë që është në euforinë legjitime të fitores. Natyrisht është fitorja e Tij. Por një fitore që duhet lexuar edhe pak më ndryshe: Më shumë se gjysma e popullsisë nuk votoi. Kjo është një këmbanë alarmi për Të dhe për të ndryshuar cfarë nuk ka bërë mirë. Personalisht do propozoja që në fletën e votimit në fund të vendosej dhe një obsion :Nuk jam dakord me asnjë alternativë. Dhe ky obsion të merrte vlerë ligjore e të numërohej si votë kundër. Nëse kjo votë do ishte më e madhe se votat e listët së partive, zgjedhjet duhet të përsëriten për një farë kohë.