Linja e transportit ajror Austrian Airlinse ka sjell në Tiranë, për herë të dytë pas grabitjes së Rinasit avion të vegjël për transportin e njerzve nga Tirana drejt Vjenës.
Parasgjerët që kishin destinacion Vjenën kanë ngelur në mes të rrugës. Ata denoncojnë në FaxNews situatën e krijuar me kompaninë “Austrian Airlines” e cila kryen këto fluturime.
Në shqetësimin që ata përcjellin thonë se një situatë e tillë është krijuar prej ditës së premte, kur shumë prej tyre prisnin të fluturonin drejt Vjenës, por kompania ka ulur në Rinas një avion me kapacitet të vogël, kështu fluturimet e tyre u shtynë për ditën e dielë.
“Duhet të fluturonim prej ditës së premte dhe erdhi një avion ku nuk kishte vende për të gjithë ata që kishin biletë. Na e shtynë udhëtimin për sot dhe po sot na thonë se avioni përsëri nuk ka kapacitet për të gjithë. Tani po presim të sqarohemi me kompaninë.”, thotë njëri prej pasagjerëve.
Vendosja në përdorim e avionëve të tillë, ku dhe kapaciteti nuk është shumë i madh i ka detyruar pasagjerët të presin për orë të gjata në aeroportin Nënë Tereza. Ndërkohë që përveç pritjes disa prej pasagjerëve u është anuluar dhe udhëtimi.
Sipas informacioneve ditën e sotme, mes pasagjerëve që u është dashur të presin në aeroport kanë qënë dhe një grup punonjësish nga Ministria e Jashtme, të cilët rrezikohen të mos shkojnë në destinacion në orarin e duhur, duke humbur kështu një konferencë pune.
Kujtojmë që të tilla problem e kanë prejardhjen që nga grabitja famoze e ndodhur në Rinas, pak javë më parë.
(s.a/faxweb.al)
Discussion about this post