Që pas inaugurimit “Sheshi Skënderbej” duket se është shndërruar në një “plazh” për fëmijët romë.
Në një foto tronditëse të mbërritur sot në redaksinë e “Shuplaka-s”, shihen dy fëmijë romë të shtrirë në pellgun e sheshit për t’u freskuar, kjo edhe si pasojë e temperaturave të larta.
Një gjë e tillë ndodhi edhe javën e parë pas inaugurimit më 10 qershor, disa foto të fëmijëve romë duke u freskuar qarkulluan në të gjitha mediat shqiptare, duke tronditur opinionin publik.
Këtë rast kryebashkiaku Erion Veliaj e quajti më vonë një shenjë pozitive, ndërsa bënte thirrje të mos diskiminojmë këtë komunitet, pasi sipas tij fëmijët po gëzoheshin me mënyrën e tyre.
Mirëpo rasti i sotëm më shumë sesa gëzim të përcjell ndjenjën e trishtimit, pasi fëmijët e këtij komuniteti duken të sfilitur nga vapa e madhe, dhe pellgu për ta duket si një pikë ujë në shkretëtirë. (D.D/Shuplaka)
