Policia e Roskovecit ka identifikuar dhe arrestuar shtetasin E. Z., 27 vjeç, banues në Fier, i dyshuar se i vuri zjarrin banesës së shtetases M. L., në lagjen nr. 1, me pretendimin se djali i saj i kishte borxh një shumë parash. Ngjarja ndodhi gjatë kohës kur banesa ishte e boshatisur, dhe për pasojë pati vetëm dëme të pjesshme materiale. Menjëherë pas kallëzimit, shërbimet e Policisë organizuan punën hetimore, duke çuar në kapjen e autorit. Materialet procedurale u referuan në Prokurorinë e Fierit për veprime të mëtejshme.
Njoftimi:
Roskovec
I vuri zjarrin banesës së një shtetaseje, me pretendimin se djali i saj i kishte para borxh, identifikohet, kapet dhe arrestohet 27-vjeçari.
Menjëherë pas marrjes së kallëzimit të shtetases M. L., se një person i paidentifikuar i kishte vënë zjarrin banesës së saj, në lagjen nr. 1, gjatë kohës që ajo nuk kishte qenë aty, shërbimet e Stacionit të Policisë Roskovec organizuan punën për zbardhjen e ngjarjes.
Si rezultat i veprimeve të shpejta hetimore të kryera, u bë i mundur identifikimi, kapja dhe vënia në pranga e shtetasit E. Z., 27 vjeç, banues në Fier.
27-vjeçari dyshohet se i ka vënë zjarrin banesës së shtetases M. L., me pretendimin se djali i kësaj shtetaseje i kishte borxh një shumë parash.
Si pasojë e zjarrit pati vetëm dëme të pjesshme materiale.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme
