Shkalla e Parë i dënoi me 25 vjet burg, Apeli shpall të pafajshëm dy vëllezërit për akuzën e vrasjes së një biznesmeni

Gjykata e Apelit në Vlorë ka shpallur të pafajshëm dy vëllezsër të cilët akuzoheshin për vrasjen e një biznesmeni në Fier.

Apeli shplalli të pafajshëm Agim dhe Enea Hyka për vrasjen e Spartak Spahos. Ata ishin dënuar me 25 vite burg.

Vendimi i Shkallës së Parë u prish nga Gjykata e Lartë. Më pas çështja u kthye për rigjykim në apelin e Vlorës. Prokuroria pritet që të bëjë rekurs për çështjen. Ata ishin të akuzuar për vrasjen e një biznesmeni në Fier Spartak Spaho  në vitin 2011. 

Ngjarja
Vrasja e biznesmenit 45-vjeçar Spartak Spaho ndodhi në dhjetor të vitit 2011. Si pasojë e breshërive të automatikut me 44 plumba në drejtim të Spahos u plagosën edhe dy kalimtarë, njëri prej të cilëve luftoi me vdekjen.

Lidhur me këtë krim u akuzuan dy vëllezërit Hyka, ndërsa si motiv ishte hakmarrja për vrasjen e babait të tyre vite më parë gjatë kohës që punonte si taksist në linjën Fier-Athinë. Agim Hyka ishte ai që u arrestua i pari, teksa tentonte të largohej drejt Greqisë dhe më vonë u kap dhe Enea, vëllai i tij.

(M.D/Shuplaka)