Të rinjtë e Forumit Rinor të Partisë Demokratik kanë zhvilluar ditën e sotme në protestë përpara kryeministrisë, ku kanë përkujtuar 20 shkurtin e 1990-tës, që kulmoi me rrëzimin e bustit të diktatorit Enver Hoxha.
Të rinjtë u shprehën se si pasojë e qeverisjes së Edi Ramës, të rinjtë po largohen çdo ditë e më shumë nga vendi, pasi papunësia dhe mungesa e shpresës e bëjnë të pamundur jetesën e tyre në Shqipëri.
Kreu i FRPD, Belind Këlliçi u shpreh se PD do ta sjellë ndryshimin, dhe hapi i parë i qeverisë së Bashës do të jetë anulimi i ligjit për arsimin e lartë.
“PD do të sjellë ndryshimin. Hapi i parë do të jetë anulimi i ligjit të lartë. Do to miratojë një ligj që i shërben të rinjve. Në Shqipëri nën drejtimin e PD do të vlojnë idetë, do të gëzojnë më të mirë dhe do të ketë vitalitet e shpresë”.
“Një diktator i ri po lind në vend, i cili ka vrarë shpresën e të rinjve që janë detyruar të largohen nga vendi”, tha një prej të rinjve gjatë fjalës së tij.
“Të rinjtë nuk përfaqësohen nga kjo qeveri e dalë nga krimi”, u shpreh një tjetër i ri, student në Fakultetin e Mjekësisë, i cili theksoi se shqiptarët nuk e marrin ashtu siç duhet shërbimin shëndetësor.
Discussion about this post