Edhe pse nuk është debati i momentit (do të jetë kur të vijë koha e Topit të Artë), faqja zyrtare e UEFA-s, në versionin francez, ka nisur një sondazh: Messi apo Cristiano, kush është më i mirë?
Faqja e organit drejtues të futbollit europian ka shfrytëzuar deklaratat e Hatem Ben Arfa në “France Football” për të rihapur një debat që sikur ishte harruar kohët e fundit.
Rezultati është 54% me 46% në favor të argjentinasit të Barcelonës. Duhet thënë se të dy lojtarët janë vazhdimisht nën vëmendjen e të gjitha mediave përsa i përket rivalitetit të tyre.
Vitet e fundit duket se Ronaldo ‘ja ka marrë në kthesë’ Mesit pasi ka qenë ai fituesi i ‘Topit të Artë’. E favorizuar kjo edhe nga dëmtimet e argjentinasit. (E.K/SHUPLAKA)
Discussion about this post