Kryetarja e Komisionit parlamentar për Punë të Jashtme nga Lidhja Demokratike e Kosovës, Vjosa Osmani thotë se demarkacioni me Malin e Zi do të shkojë në Kuvend të hënën.
“Unë besoj që me 15 janar do të shkojmë me atë opsion. Natyrisht që ne përsëri do të propozojmë meqenëse një sërë çështjesh kanë mbetur të pa zgjidhura, pa përgjigje. Përsëri para vetës kemi vetëm një raport preliminar dhe jo përfundimtar”, tha Osmani për televizionin Dukagjini.
Osmani Thotë se në seancë nuk do të kërkohet votimi pro ose kundër por kjo do tu lihet në vullnet 120 deputetëve të Kuvendit.
Kryeministri Haradinaj në mënyrë të vazhdueshme është shprehur se demarkacioni duhet të shkojë në Kuvend për ti dhënë zgjidhje.
Demarkacioni është një nga kushtet e vendosura nga BE për liberalizimin e vizave me Kosovën. (B.H/Faxweb)
Discussion about this post