Kandidati i koalicionit opozitar në qarkun e Durrësit, Aulon Kalaja akuzoi mbrëmë se i janë vjedhur votat nga kandidatët e tjerë brenda PD-së gjatë procesit të numërimit të votave preferenciale.
Ai iu drejtua KAS-it ku paraqiti ankesën e tij për manipulim të votave preferenciale.
Anëtarët e KAS i bënë të ditur se ankesa mund të merret në shqyrtim pasi të dalë rezultati përmbledhës nga KQZ, por ndërkohë do t’i vendosen në dispozicion pamjet filmike nga procesi i numërimit të kutive në Krujë dhe qarkun e Durrësit.
“I kam bërë thirrje SPAK, që këtë telefon ta vinin në përgjim dhe të shihnin kam blerë vota. Këto janë vota të pastra, unë nuk i njoh njerëzit që më kanë votuar. E kam me konkurrentët brenda partisë, jo vetëm ma kanë vjedhur por dhe ma kanë trafikuar brenda kutisë, dhe për këtë do të bëjë kallëzim. Krimi është brenda kutisë, dhe i kam lënë vetë, që të shkojmë në prokurori se dikush duhet të bëhet shembull”, deklaroi Kalaja
