Pas përfundimit të protestës së opozitës ka ardhur reagimi i Ambasadës Amerikane. Me anë të një njoftimi zyrtar Ambasada thekson se e kundërshton fuqishëm dhunën e përdorur ditën e sotme.
Më tej në njoftim thuhet se më në fund po zbatohet reforma në drejtësi, pasi përplasjet e politikanëve më njëri-tjetrin do t’u japin mundësi organeve të Vetingut të nxjerrin rezultatet e para.
REAGIMI I PLOTË I AMBASADËS AMERIKANE:
Ambasada e Shteteve të Bashkuara dënon me forcë dhunën që ndodhi në protestën e sotme në Tiranë. Ne mbështesim të drejtën e qytetarëve për të protestuar paqësisht, por dëmtimi i pronës publike, hedhja e granatave tymuese në Parlament dhe dhuna nuk janë të pranueshme. Ne i bëjmë thirrje të gjitha partive që të tregojnë vetëpërmbajtje dhe të nxisin qetësi.
Populli shqiptar nuk duhet të habitet që politikanët e tyre po luftojnë njëri-tjetrin. Kjo do të thotë se reforma në drejtësi më në fund po zbatohet. Komisionet e Vetingut do të kenë së shpejti rezultatet e tyre të para. Prokurori i Përgjithshëm që refuzonte të ndiqte penalisht politikanët është i ikur. Së shpejti do të shohim krijimin e SPAK-ut dhe BKH-së, të cilat do hetojnë dhe ndjekin penalisht zyrtarë të korruptuar të nivelit të lartë. Qytetarët shqiptarë presin me padurim për drejtësi. Dhe politikanët kanë frikë.
(F.M/Faxweb)
