Identifikohet shqiptari i vrarë në sy të vajzës në Gjermani, ish-polic i dënuar për vrasje (FOTO)

Zbulohet identiteti i shqiptarit që u vra mëngjesin e 9 janarit në sy të së bijës në qytetin e Viselhovedes në Gjermani.

Ai është Kujtim Prenga, ish-oficer i Policisë Ushtarake i cili u qëllua me 5 plumba  nga persona ende të paidentifikuar, ndërsa ai po merrte vajzën e tij nga shkolla.

Identiteti i 46-vjeçarit shqiptar u zbulua nga një e përditshme shqiptare. Sipas raportimeve, shqiptari ka vrarë një të ri në një lokal nate në Kamëz në 2011-ën, prandaj ai kishte kërkuar azil në Gjermani.

Policia gjermane dyshpn se hakmarrja mund të ketë qenë arsyeja e këtij krimi, dhe vrasja mund të jetë e porositur nga Shqipëria.

Konflikti:

Ish-oficeri i Policisë Ushtarake, mesnatën e 30 dhjetorit të vitit 2011 vrau në një lokal me muzikë në Kamëz 28-vjeçarin Armando Frroku.

Prenga atëherë 41-vjeçar punonte si badigard në lokalin me muzikë, kur i riu, i cili dyshohej se ishte nën efektin e pijeve alkoolike pati një sherr për të cilin ndërhyu si roje sigurie Kujtim Prenga.

Gjatë debatit, Prenga e qëlloi Armando Frrokun me armën e tij të punës duke e lënë të vdekur. Ai u arrestua dhe deri në vitin 2016 ka qenëdruar prapa hekurave.

Një tjetër tragjedi:

Pas qëndrimit në burg, Kujtim Prenga ka pësuar një tjetër tragjedi në jetën e tij. Gruaja e Prengës humbi jetën si pasojë e korentit rreth 1 vit pasi i shoqi ra në burg duke lënë kështu dy fëmijë jetimë.
Largimi drejt Gjermanisë:

Pas lirimit dhe humbjes së gruas, Kujtim Prenga u largua në drejtim të Gjermanisë në fillim të 2016-ës.

Sëbashku me fëmijët e tij deri më tani ai kishte jetuar në kamp, por me frikën e një hakmarrjeje të mundshme.

Sipas raportimeve, Prenga kishte komunikuar me disa miq të tij në Shqipëri.

Jam në kamp dhe jam nën ruajtje me vendim gjykate”, mësohet të ketë thënë ai. Dhe siç e dini, frika e tij u realizua ditën e 9 janarit. (D.D/Shuplaka)

[ngg_images source=”galleries” container_ids=”752″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]