“Ne kemi bërë thirrje që të ulen në tryezë, si përgjegjësit kryesorë, unë mendoj një tryezë e thirrur nga presidenti do t’i jepte më shumë mundësi, të gjitha partitë parlamentare. Të gjitha partitë kanë të drejtën të japin propozime.
Para çdo gjëje duhet të zgjedhim krizën që po përballemi sot. Nëse mund t’i referohem çfarë ka ndodhur dje, është nga reformat më të rëndësishme, PDIU ka dhënë gjithmonë votën e saj. Në këtë kontekst janë në frymën e konsensusit, besoj që mos harrojmë që PS dhe PD kanë menaxhuar deri sot sistemin e drejtësisë. Reforma nuk mund dhe nuk duhet të jetë pronë e dy partive politike,”- u shpreh sot Idrizi nga Kryesia e Kuvendit.
Idrizi foli po ashtu për votimin e djeshëm duke thënë se u kërkua që PDIU të hynte nga ana e opozitës.
“Dje u përballëm me një arsyetim të papranueshëm se fillimisht u kërkua që PDIU do hynte nga ana e opozitës, ky ishte një absurditet që do minonte procesin, do na minonte edhe ne. Ne nuk pranuam, dhe atëhere kaluam në opsionin e dytë që u votua në Parlament”, u shpreh Idrizi.
“Grupi i PDIU është vazhdimisht i shqetësuar vetëm në një pikë: Të kanalizojmë mundësinë e gjetjes së zgjidhjes”, deklaroi ndër të tjera Idrizi. (M.D/ Shuplaka)
Discussion about this post