Kryetari i PDK-së, Kadri Veseli ka marrë pjesë në një memorial në Nikoliq të Hasit ku aty ka qenë baza kryesore e ushtarëve të UÇK-së.
Një ditë pas nënshkrimit të marrëveshjes për i quajtur për “normalizim ekonomik” në Shtëpinë e Bardhë në Uashington, Veseli tha se çdo bisedim duhet të ketë konceptin e një marrëveshjeje e cila është përfundimtare.
“Kosova nuk duhet të lejojë që të kthehet prapa. Çdo bisedim duhet të ketë konceptin e një marrëveshjeje e cila është finale, ku nuk cenohet sovraniteti, Kushtetuta dhe integriteti i Republikës së Kosovës. Është për keqardhje delegacioni i Kosovës në Uashington si ka kaluar nga bisedimet shtetërore me Serbinë, në bisedime teknike. Nga bisedimet mes shteteve për finalizim, përkatësisht ulëse në OKB, në bisedime për copëza territore të cilat janë në menaxhimin e Republikës së Kosovës, edhe si resurse kombëtare ekonomike.”- tha Veseli.
I pyetur nëse do ta përkrahë mocionin e Vetëvendosjes për rrëzimin e qeverisë Hoti, Veseli shtoi se ato janë në opozitë, duke nënkuptuar se do të përkrahë.
