Komisioneri Publik është shprehur kundër vendimit të Komisionit të Pavarur të Kualifikimit që konfirmonte në detyrë prokuroren Antoneta Sevdari, e cila është njëherësh dhe pjesë e KLP-së. Edhe pse Sevdari kaloi pa zhurmë në KPK duket se pasuria e bashkëshortit të saj ka pasur një sërë problemesh. Komisioneri Publik ka dyshime se një pjesë e parave që janë deklaruar se janë fituar nga emigracioni, mund të kenë burime të paligjshme.
Trupi gjykues për gjykimin e kësaj çështjeje në KPA përbëhet nga:
Kryesues: Luan Daci
Relator: Sokol Çomo
Anëtarë: Ardian Hajdari, Ina Rama, Rezarta Schuetz
Komisioneri Publik është shprehur: Lidhur me kriterin e pasurisë, krahasimi ka treguar se përputhen deklarimet me këto pasuri. KP ka dyshime nëse këto të ardhura janë realisht të fituara nga emigracioni. Deklarimi i të ardhurave duhet të justifikohet nga dokumentacioni, nuk dihet çfarë pune është kryer dhe punëdhënësi. Si pasojë nuk mund të cilësohet e ligjshme.Verifikimi i të ardhurave të ligjshme, në vitet 2000-2003 për rregullimin e shtëpisë, të ardhurat e ligjshme nuk mjaftojnë për ta justifikuar.
KP kërkon çeljen e hetimit për të ardhurat e subjektit në emigracion dhe në Abu Dabi.
Apartament me sip. 101 m2 i blerë në 2011 në Tiranë, 97.500 euro, kursime familjare të deklaruara, tatimi në 100%. Burimi i pa deklaruar. KPK ka konkluduar se kanë patur të ardhura. KP nuk pajtohet pasi është kontradiktor në pagesën e tatimeve.
Për 2010 nuk ka të dhëna në sistem për pagesën e tatimeve. KPK nuk ka marrë në konsiderat pagesat për vitin 2010 të bashkëshortit të prokurores Sevdari.
Nga nxjerrja e llogarisë bankare, rezulton tatim fitim i biznesit të vogël. KP gjykon se kjo është e paqartë dhe jobindëse. KP kërkon nga KPA për riçeljen e hetimit për pasurinë në fjalë. Informacionin e plotë të të dhënave pasurore të bashkëshortit rreth burimit të ligjshëm të pasurisë dhe adminstrim të të dhënave të bankës.
Për të ardhurat nga puna në Arabinë Saudite të bashkëshortit, ka deklaruar llogari rrjedhëse në bankë me 18.970 dollarë, potograf inxhinier. KPK ka nxjerr të ligjshme këtë pasuri. Parregullësi në transferta, të vërtetuara edhe nga banka. KP vlerëson se nuk mjafton vetëm deklarimi i tyre. Për ti konsideruar të ligjshme, subjekti duhet të administroj dokumente, rrjedhimisht jo të ligjshme. Sa më sipër KP kërkon nga KPA të çel hetimin nëse për shumat më lartë janë paguar tatime.
Në deklaratën e interesave në 2016 ja deklaruar rreth 3 milionë lekë. Referuar tatimeve vërejmë se DRTT ka informuar se fitimi neto i këtij subjekti ka vlerë të palikujduar tatimesh.
KP kërkon njëkohësisht hetim edhe për këto të dhëna të tatimeve për vitin 2016 për të vërtetuar ligjshmërinë e këtyre fitimeve.
Aftësia Profesionale: Ka humbur ankimin në një vendim gjyqësor me arsyen për shkaqe shëndetësore të familjarëve. KP-së i rezulton se i mungon aftësia profesionale, organizative për administrim të dosjeve gjyqësore.
Janë katër raste të denoncuara lidhur me subjektin.
Komisioneri Publik vlerëson se të dhënat janë të pamjaftueshme për rikonfirmimin e saj në detyrë për shkak të problemeve me pasurinë në pagesën e tatimeve dhe në aftësinë profesionale.
Ndërkohë që vetë Antoneta Sevdari është shprehur: Nuk jam dakord me të dhënat e KP pasi hetimi i KPK ka qenë i plotë. Përsa i përket banesës, vlerësimi i KPK ka qenë i drejtë. Për herë të parë kam deklaruar pasurinë 2004-ën, banesa tokë plus ndërtesë.
Burimi i krijimit është deklaruar me të ardhurat e bashkëshirtit në emigracion, deklaruar edhe në 2018.
Bashkëshorti nuk ka patur detyrim për ruajtje të dokumentacionit.
Discussion about this post