Presidenti i Kosovës, Hashim Thaçi ka reagur sërish në lidhje me korrigjimin e kufijve.
Nëpërmjet një postimi në faqen zyrtare të ‘Facebook’, Thaçi falenderon qytetarët e Luginës së Preshevës, të cilët janë përkrahës të vazhdueshëm të qëllimeve të përbashkëta për bashkimin Preshevës, Bujanovcit dhe Medvegjës me Kosovën.
Më tutje ka theksuar se kjo e drejtë do ti bashkojë të gjithë pa dallime partiake, ideologjike dhe bindjesh tjera.
Statusi i plotë:
“Edhe njëherë i falënderoj liderët dhe qytetarët e Luginës së Preshevës që po përkrahin arritjen e qëllimeve tona të përbashkëta për bashkimin e Preshevës, Bujanovcit dhe Medvegjës me Kosovën, në kuadër të korrigjimit të kufirit mes Kosovës dhe Serbisë.
Kjo e drejtë duhet të na bashkojë pa dallime partiake, ideologjike dhe bindjesh tjera, qoftë nga pozita institucionale, e shoqërisë civile apo e opozitës. “
(E.V/Faxweb.al)
