Kreu i grupit parlamentar në PS, Taulant Balla përmes një postimi në Twitter paralajmëron heqjen e kompetencave që ka presidentit për zgjedhjen e anëtarëve të Gjykatës Kushtetuese.
“Sa kohë kundërshtarët e Reformës në Drejtësi vijojnë tentativat për pengimin e saj, Kuvendi duhet të rishikojë legjislacionin për të shmangur krijimin e situatave që pengojnë në mënyrë abuzive funksionimin e organeve kushtetuese. Opinioni @VeniceComm i domosdoshëm & i mirëpritur.“- shkruan Balla.
Ndërkohë në një deklaratë për mediat presidenti Ilir Meta ka shpërthyer në akuza të forta në dalje të zyrës së tij, teksa tha se Fatmir Xhafaj ka ushtruar presion mbi Vitore Tushën.
Me tone aspak të zakonshme për të Meta tha se e vetmja zgjidhje që ka sot vendi është referendumi, ku ai do të jetë në anën e shqiptarëve, ndërsa Rama ‘’me palaçot ndërkombëtarë”.
“Nuk besoj se e keni harruar deklaratën e zotit Xhafaj që i bëri shtantazh zonjës Vitore Tusha, e cila e kaloi e para Vetingun.
SHBA janë si yll, janë si shpirt, unë ua kam bërë të qartë se do të jem në anën e qytetarëve”.
“Ka vetëm një zgjidhje që është referendumi, unë do të jem në anën e qytetarëve, Rama bashkë me palaçot e tij të pyesin qytetarët”, tha Meta.
Discussion about this post