Kryeministri Edi Rama u është përgjigjur akuzave të LSI-së për akuzat e drejtuara drejt tij. I pyetur nga gazetarja Eni Vasili nëse LSI ishte kurban i marrëveshjes PD-PS, Ai ka deklaruar se marrëveshja e nënshkruar nuk ishte kundër LSI-së. Për sa u përket shkarkimeve të njerëzve të LSI-së, ai tha se nuk janë shkarkuar vetëm drejtorët e tyre.
“ Është përshtypje e gabuar,marrëveshja nuk është kundër askujt,janë shkarkuar edhe drejtorë që sjanë të LSI-së. Nuk më interesojnë se çfarë thonë”, ka thënë Rama.
Ai ka deklaruar se ato që ka thënë i ka patur për sistemin, jo për partitë. Rama tha se nuk është kundër garës së partive të vogla.
“Ato që kam thënë e kam pasur për sistemin , partitë e tyre si pasojë e numrave kanë bërë pengmarrje në shtet për të punësuar njerëzit e tyre, ky sistem nuk u shërben njerëzve.Nuk jam kundër garës së partive të vogla”, Ka thënë Rama në “Studio e hapur”.(B.H/Shuplaka)
