Kryeministri Edi Rama dhe komisioneri Johanes Hahn kanë pasur një konferencë të përbashkët mes tyre, lidhur me ecurinë e Shqipërisë, sa i përket çeljes së negociatave.
Ndër të tjera ata janë pyetur edhe në lidhje me marrëveshjen që pritet të arrihet mes Shqipërisë dhe Greqisë.
Rama ka thanë se është bërë shumë progress dhe se palët po përballen me çështje të vështira për ti zgjidhur.
Sipas tij ata që flasin për tradhëti kombëtare do të ndihen të turpëruar në fund. Ndërkohë në lidhje me këtë çështje dhe deklaratën e cila turbulloi politikën greke për “ndryshim kufijsh”, komisioneri Hahn tha se kjo është çështje bilateral dhe BE nuk ndërhyn, duke mos u përgjigjur drejtpërdret në lidhje me deklaratën e tij për kufijtë për të cilën zëdhënësi i tij ka sqaruar se ishte një keqkuptim.
“Sic e kemi thënë edhe më parë, në strategjinë e përbashkët, BE s’do të pranojë asnjë shtet tjetër anëtar që ka ende konflikte të pazgjidhura me një prej vendeve fqinj gjë që ka përshpejtuar negociatat në disa vende, si zgjidhja e cështjes së emrit midis Greqisë dhe Maqedonisë. Më vjen keq që ka pasur keqkuptime se kjo ka pasur të bëjë me një sqarim për cështjet e kufijve dhe nuk kemi ndonjë gjë të madhe. Une jam i bindur se pas nja dy javesh gjithcka do te behet, mund te behet”, tha ai.
(B.H/Faxweb)
Discussion about this post