Në ambjentet e Prokurorisë së Përgjithshme para pak minutash ka nisur takimi mes Arta Markut dhe ministrit të Brendshëm Fatmir Xhafaj.
Mes tyre pritet të nënshkruhet një marrëveshje bashkëpunimi për 45 grupet kriminale që janë evidentuar në vendin tonë.
‘’Forca e Ligjit” edhe pse ishte një nga nismat që u promovua më së shumti nga ana e Minsitrisë së Brendshme ende nuk ka dhënë rezultatet që të gjithë prisnin.
Ministri Xhafaj pohoi pak ditë më parë se një pjesë e këtyre grupeve kanë investuar në politikë, biznese dhe në media. Disa prej tyre kanë influencuar në politikë me anë të parave të pistave që kanë derdhur. Në bashkëpunim me partnerët, me disa prej këtyre grupeve do të merret task force në qendër, kurse me të tjerat, task force e rajoneve përkatëse.
‘’Peshqit e mëdhenj” për të cilët u fol kohë më parë se do të çoheshin para drejtësisë ende nuk janë kapur.
Ndërsa ambasadori Lu në një deklaratë për mediat dy ditë më parë u shpreh se rezultatet duhet të vijnë me patjetër brenda pranverës.
Po ashtu në takim pritet të diskutohet dhe në lidhje me ektradimin e Nazer Seitit drejt Italisë.
(E.K/FAXWEB)
Vijon…
