Avokati Spartak Ngjela ka vijuar edhe sot me akuzat kundër ish-kryeministrit Sali Berisha dhe kreut të LSI-së, pjesë e koalicionit qeverisës, Ilir Meta. Në shkrimin e tij, ai shprehet se Meta dhe Berisha janë përgjegjës të korrupsionit që zhvillohet në çdo sferë jete.
Ai shkruan se si pasojë e korrupsionit, Shqipëria nuk është shtet, për shkak të kontrollit mbi importi, eksportin, tregun shqiptar ku 710% e ushqimeve janë të skaduara, sikundër janë edhe 80% e medikamenteve.
Më tej, ai shprehet se prangosja e Sali Berishës dhe Ilir Metës bashkë me taboret e tyre do të jetë një ngjarje e madhe e shpëtimit shoqëror në Shqipëri.
Shkrimi i plotë i Spartak Ngjelës:
Ja si paraqitet gjendja shoqërore, shteti dhe tregu, si pasojë e mungesës së pushtetit gjyqësor në Shqipëri
Janë të shumtë ata që ende nuk e kuptojnë se çfarë realisht ka sjellë korrupsioni i pushtetit gjyqësor në Shqipëri. Por, ja cila është për pasojë tabloja aktuale e gjendjes korruptive në Shqipëri:
70 përqind e ushqimeve të paketuara në tregun shqiptar janë të skaduara;
Rreth 80 përqind të medikamenteve mjeksore janë të skaduara;
E gjithë vera e importuar është falsitet kimikatesh;
Të gjitha konservat janë të skaduara;
E gjithë nafta që tregtohet për makinat, është e përzierë me naftën e vendit, e cila jo vetëm që është cilësi e palejueshme për t’u përdorur, por shitet edhe kontrabandë.
Kjo është gjendja që kanë sjellë në Shqipëri bandat e Sali Berishës dhe Ilir Metës; por që të gjithë paraardhësit e tyre kështu kanë vepruar, prandaj të gjithë treguesit ushqimorë sot kontrollohen nga bandat e Ilir Metës në Ministrinë e Bujqësisë: askush nuk kontrollohet dhe të gjithë tregtarët bastarde shqiptarë i paguajnë hordhive të Metës që të lejohet tregtimi i skadencave në Shqipëri.
Këta tregtarë bastarde dhe kompani farmaceutike bastarde, helmojnë ditë për ditë shqiptarët, për të garantuar vjedhjen e tyre, e cila realisht është vjedhje e jetës së shqiptarëve. Meta aktualisht vjedh në treg jetën e shqiptarëve. Të njëjtën gjë bëjnë edhe kontrolluesit e importit dhe prodhimit të medikamenteve shëndetësore. Ky sigurisht që është një krim monstruoz.
Dhe e gjithë kjo se në Shqipëri nuk ka shtet.
Kurse banditët e gjykatave, dhe bandat e Saliut bëjnë çmos që gjendja të jetë gjithmënë kjo. Një krim të tillë kundër popullit të vet nuk e ka bërë asnjë korrupsion shtetëror në botë. Shqipëria drejtohet nga një bandë kriminelësh që nuk ka paragon historik në botë.
Prangosja e Sali Berishës dhe Ilir Metës bashkë me taboret e tyre do të jetë një ngjarje e madhe e shpëtimit shoqëror në Shqipëri.
Të gjithë këta kanë ardhur dhe janë vendosur ne balancën: ose “mbretërimi i tyre kriminal” dhe vdekja graduale e Shqipërisë dhe shqiptarëve, ose ndëshkimi i tyrë penal.
Sigurisht që do të ndodhë kjo e dyta. Dhe do ndëshkohen të gjithë, bashkë me gjyqtarët dhe prokurorët që kanë bashkëpunuar me këtë krim të stërzgjatur kundër shqiptarëve. Vonesa në zvarritje që bëjnë është shpresë e kotë.
Nuk kanë shpëtim. Historia e solli që një Shqipëri e drejtuar më drejtësi dhe moralitetit është interes parësor i Shteteve të Bashkuara të Amerikës dhe Bashkimit Europian. Në fakt kjo është arsyeja e rrudhje së Sali Berishes në këto kohë, i cili me veshë të ngritur po pret petulla nga qielli. Por e gjithë historia e Shqipërisë sot, si e ardhme me progres, ka konverguar në një pikë: ndëshkimi penal i Sali Berishës dhe i bandës së tij. Hetimi kundër tij po vazhdon me sukses, dhe shumë shpejt opinioni publik shqiptar do të njihet me të vërtetën.
Ne shqiptarët jemi në prag të shpëtimit tonë.
(XH.A/SHUPLAKA)
