Gjatë pritjes së sotme me trupin diplomatik, presidenti Bujar Nishani shprehet se serbët po i kthehen kohës së Milosheviçit në një kohë kur shqiptarët shohin përpara.
Nishani tha se s’mund të mos flaës për tensioned midis Kosovës dhe Serbisë, pasi për të respektimi I statusit të bashkëkombasve tanë është thelbësor ppër Shqipërinë.
“Mbajtja në fuqi nga Serbia e masave të Millosheviçit për Kosovën nuk i shërben frymës së pajtimit. Bllokimi i Kosovës në nivel rajonal dhe kombëtar bie ndesh me angazhimet e marra nga ata. Ne kërkojmë ecje përpara dhe jo kthim pas, në kohët e errëta kur regjimi i Millosheviçit aplikonte spastrim etnik”, tha kreu i shtetit.
Nishani shton se vitet e fundit rajoni i Ballkanit ka bërë progres duke lënë pas të shkuarën konfliktuale, dhe sipas tij ky progres duhet mbrojtur dhe promovuar më tej.
“Dialogu mes Kosovës dhe Serbisë i ndërmjetësuar nga BE dhe mbështetur nga SHBA ishte elementi substancial për paqen dhe pajtimin në rajon, Shqipëria e ka mbështetur fuqimisht dhe pa rezerva. Ngjarjet që minojnë këto situata nuk i shërbejnë aspak stabilitetit të gjithë rajonit”, përfundoi Nishani. (D.D/Shuplaka)
