Ka nisur procedimi penal ndaj një shtetase italiane, me detyrë administratore në një call center, pas kallëzimit penal nga pesë punonjës, banues në Durrës.
Ata akuzuan administratoren se i ka mashtuar duke mos i paguar për punën e kryer.
Detaje të Policisë së Durrësit:
Specialistët e Seksionit Kundër Krimit Ekonomik dhe Financiar në Drejtorinë Vendore të Policisë Durrës filluan proçedimin penal në gjendje të lirë në ngarkim të shtetases:
- E.L. 35 vjeçe, shtetase Italiane, administratore e një firme “Call Center” në Durrës.
Më datë 25.01.2017, ndaj shtetases së mësipërme kanë bërë kallëzim shtetasit M.K. 37 vjeçe, A.V. 41 vjeç, E. Ç. 23 vjeç, V.F. 23 vjeç dhe F.Ç. 41 vjeç, banues në Durrës.
Kallëzuesit janë punonjës në firmën e Call Center me administratore shtetasen E.L. , të cilët janë mashtruar duke mos marrë pagën për punën e kryer.
Materialet I kaluan Prokurorisë së Rrethit Gjyqësor Durrës për veprime të mëtejshme për veprat penale “Mashtrimi” dhe”Fshehja e të ardhurave”parashikuar në nenet 143 dhe 180 të Kodit Penal.
(XH.A/SHUPLAKA)
Discussion about this post