Nënkryetari i Lëvizjes Socialiste për Integrim Luan Rama, pak më parë akuzoi KQZ-në për vendimin e marrë për të vendosur KZAZ në shkollën e jerguvcatitit, sepse ambjentet nuk kanë kushtet e sigurisë, nuk ka xhama, jo internet, dysheme e çarë dhe suva e rënë.
“Këto ambiente është e pamundur të ristrukturohen dhe të bëhen të vlefshme në funksion të zgjedhjeve. Kam kërkuar takim urgjent me shefin e misionit monitorues të OSBE-ODIHR, ambasadorë të tjerë të vendeve anëtare të BE, sepse ky është akt i papërgjegjshëm, krim i rëndë dhe i shëmtuar , të përjashtojë minoritarët e Dropullit.
Kjo përpjekje okulte është në vazhdën e përpjekjeve të tjera më parë, KQZ mori sot vendimin, por e siguroj KQZ se përgjigja do të jetë e të gjithë qytetarëve shqiptarë.
Ftoj KQZ të korrigjojë gabimin e bërë dhe mos vazhdojë të provokojë se ajo që supozohet të garantojë zgjedhjet e lira dhe të ndershme po shndërrohet në një mekanizëm që kërkon të sabotojë zgjedhjet e lira dhe të ndershme në Shqipëri.”, u shpreh Luan Rama në një konferencë për shtyp.
Pamjet e shkollës në Dropull siç i shikoni edhe në galerinë e mëposhtme, ashtu siç thotë Luan Rama me të vërtetë lënë shumë për të dëshiruar. (D.D/Shuplaka)
[ngg_images source=”galleries” container_ids=”2197″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post