Ka përfunduar seanca në Gjykatën e Krimeve të Rënda për Emiljano Shullazin. Në këtë seancë Shullazi ka kërkuar pafajësinë përmes avokatit të tij. Seanca e radhës është shtyrë për në datën 13 Nëntor.
Në seancën e sotme ai që ka paraqitur prova ka qenë avokati i Shullazit Vladimit Meçe, ndërsa mbrojtja për personat e tjerë të akuzuar do të bëhet në ditët në vijim.
Meçe akuzoi prokurorinë se nuk ka zhvilluar një hetim të drejtë, dhe po ashtu se ka bërë presion ndaj Ylvi Beqes për të ndryshuar dëshmitë e dhëna në media ku shprehej se me Shullazin kishte marrëdhënie të mira.
“Opinioni publik u ndikua nga media dhe deklarata e Sali Berishës ku e cilësonte Shullazin si person i rrezikshëm. Prozumimi i pafajsisë është cënuar rëndë pasi Emiljano Shullazi u shpall fajtor pa pasur akoma një vendim të formës së prerë. Arrestimi dhe akuzat e Shullazit u ndikuan nga ndërkombëtarët, media dhe politika. Ylvi Beqaj është mashtrues klasik pasi ai nuk është kërcënuar nga Shullazi por nga persona te tjere qe ai u kishte marrë shuma të medha eurosh borxh”, është shprehur mes të tjerave mbrojtja.
Prokuroria kërkoi për Shullazin dënimin me 17 vite burgim për disa akuza dhe si pjesë e një grupi të strukturuar kriminal. Në argumentat e mbrojtjes, avokati Meçe shprehet se procesi ndaj Shullazit është i pabazur në prova dhe se hetimin prokuroria e ka nisur pas një deklarate të bërë publike nga ish-kryeminiatri Sali Berisha se Shullaxi kishte kërcënuar Mynyr Konin e Dhori Kulen.
Sipas avokatit, deklaratat e bëra publike nga njerëz të politikës kanë ndikuar edhe tek opinioni publik për të besuar akuzat e ngritura ndaj Shullazit.
(E.K/FAXWEB.AL)
