Gjatë turit të tij nëpër Shqipëri në prag të protestës së 16 shkurtit, kreu i opozitës Lulzim Basha ka ndaluar dhe në Burrel në një bashkëbisedim me banorët e këtij qyteti.
Ai është ndaluar në rrugë nga një minator i cili e ka nisur bisedën e tij me 2 kërkesa ndaj kreut të opozitës:
“Haram buka nëse na ndan veri e jug!
Haram buka nëse punëtorit në minierë nuk bën që të marrë 1% të djersës. Veç 1 vagon nga 10 vagonë mineralë që nxjerr. Po vdesin njerëzit në galeri!
Nesër do të bëhesh Kryeministër! Haram buka nëse nuk na i plotëson këto dy gjera nesër. Ai (Rama) e ka harruar popullin. Mediat nuk dalin nëpër fshatra të shohin si vuajnë njerëzit. Na ka ulur në gjunjë ”.
Ndërkohë Basha u ka thënë banorëve të qytetit të Burrëlit se duhet ti bashkohen protestës së 16 shkurtit duke u kujtuar atyre megavjedhjet që kjo qeveri po I bën popullit.
“Nuk ka njeri t’ju ulë në gjunjë ju. Këta janë kapur në vjedhje flagrante. Kanë hequr bukën e fëmijëve të tu për të mbushur xhepat e tyre. 18 milionë euro i kanë dhënë një kompanie që nuk ekziston. I patë si i nxori Zëri i Amerikës? Karriget nuk janë të këtyre! Të shtunën do të shikosh: në një anë populli, në anën tjetër pas policëve do të jenë hajdutët. Ndaj, koha e fjalëve ka mbaruar: të shtunën të jemi bashkë atje në Tiranë”, i tha kreu i opozitës, minatorit.
Ndërsa një qytetare tjetër ka shkuar dhe më tej në akuzat ndaj kryeministrit Rama duke I kërkuar Bashës: të rrëzojë atë barbon.
“Ai shkon në Gjermani për të bërë piktura, ç’më duhen mua pikturat e atij. Unë dua bukë të ha. Çmimi naftës, dritat, uji, tatimet, ne po na mbysin. Me 16 ose shkoni ta rrëzoni atë barbon. Ai është kriminel dhe barbon. Taksat tona ai i merr dhe ruan gruan e vetë në Surrel me badigardë. Na ka ardhur në majë të hundës”.
Discussion about this post