Pas kushteve të shumta të vëna nga ana e Qeverisë së Kosovës dhe pas diskutimeve të fundit në lidhje me vizitën e kryeministrit serb Aleksandër Vuçiç në Kosovë, Qeveria e Kosovës ka marrë vendim për ta lejuar këtë vizitë, për vetëm tre orë.
Lajmin e ka bërë të ditur ministri i Jashtëm i Kosovës, Enver Hoxhaj, gjatë një konference për shtyp të mbajtur pas takimit me ministrin e Jashtëm të Luksemburgut.
Ministri Hoxhaj ka deklaruar se ka qenë vendim i vështirë për Qeverinë, sidomos pas provokimeve të fundit të Serbisë me trenin por jo vetëm.
Por vendimi sipas tij është marrë në frymën e shprehjes së vullnetit të mirë ndaj miqve ndërkombëtarë siç janë Gjermania dhe Bashkimi Evropian.
Prej kohësh mes Serbisë dhe Kosovës ka patur marrëdhënie jo pak të tensionuara pas provokimeve nga ana e Beogradit zyrtar në Kosovë me trenin në Mitrovicë por edhe kërcënimeve që pronat e e pretrenduara serbe në Kosovë do t’i merren Prishtinës zyrtare.
Negociatore prej kohësh midis dy vendeve fqinje ka qenë Brukseli ku kanë arritur disa marrëveshje.
(M.D/ Shuplaka)
Discussion about this post