Grupet e shpëtimit kanë nisur sërish kërkimet këtë mëngjes për tre minatorët e bllokuar në minierën e Bulqizës. Dy grupe të avari shpëtimit dhe grupi hetimor kanë hyrë në nivelin 21 të minierës.
Tre minatorët kinezë kanë mbetur të bllokuar që prej ditës së shtunë, dhe gjasat se ata mund të jenë ende gjallë janë shumë të pakta. Ata mbetën të bllokuar pas shpërthimit të gazit të hidrogjenit në minierë.
Nga shpërthimi mbetën të plagosur edhe tre minatorë të tjerë kinezë, të cilët ndodhen në spital jashtë rrezikut për jetën.
Mësohet se shpërthimi ka ndodhur në nivelin e 21-të të minierës së kromit në Bulqizë, gjatë punimeve që po zhvillohen në kuadër të investimit për hapjen e pusit të thellësisë që do të shtojë jetëgjatësinë e kësaj zone mineralmbajtëse.
Sakaq, ministria bën me dije se sëshpejti, strukturat përgjegjëse do të hartojnë raportin përkatës dhe do të analizojnë shkaqet e dinamikën e këtij aksidenti. (D.D/Shuplaka)
Discussion about this post