Gruaja e producentit Harvey Weinstein i cili është akuzuar se kërkonte seks në këmbim të karrierës, ka thyer heshtjen e saj duke treguar se nuk dinte asgjë për sjelljen e bashkëshortit.
Georgina Chapman, e kontaktuar nga “Mirror” ka thënë se vazhdon të jetë e zemëruar dhe të ketë shenja mosbesimi pasi më shumë se 80 gra dolën për të akuzuar Weinstein për sulme seksuale.
42-vjeçarja që është duke punuar për procedurat e divorcit ka thënë se qan shpesh për faktin se gjithçka mund të ketë ndikuar tek fëmijët.
“Ekziston një pjesë e imja që ishte shumë naive. Kam momente zemërimi, konfuzioni dhe mosbesimi. Humba 4.5 kg në 5 ditë. Nuk haja dot asgjë. Koka po më plaste. Ishte e vështirë sepse shkruheshin artikuj për të dhe duhet të largoja fëmijët”, tha stilistja, bashkëthemeluese e firmës së modës Marchesa për “Mirror”.
(M.Q/Faxweb)
Discussion about this post