Trajneri i Skëndërbeut Ilir Daja ka deklarur pas ndeshjes me Tiranën se në ndeshjen me Kukësin preferon gjyqtarë të huaj për të ulur tensionin dhe kontestimet.
Daja u shpreh se ka besim tek gjyqtarët shqiptarë po për këtë ndeshje e cila është vendimtare për titullin kampion, gjyqtarët e huaj do ta administronin më mirë situatën.
“Unë nuk mendoj se gjyqtarët e huaj janë më lart se tanët, por për një administrim më të mirë, për të ulur tensionin dhe për të menagjuar më mirë situatën, mendoj se më mirë do ishin gjyqtarët e huaj”, u shpreh Daja.
Skëndërbeu javën e ardhshme do përballet me Kukësin në “Zeqir Ymeri”, kjo ndeshje pritet të jetë përcaktuese për titullin kampion pasi Partizani me barazimin me Flamurtarin pothuajse ka dalë nga gara. Skëndërbeu dhe Kukësi ndajnë kreun e renditjes në tabelë, Kukësi me 72 pikë dhe Skëndërbeu 71 pikë. (B.H/Shuplaka)
