Kryeministri Edi Rama publikoi sot në Facebook një raport të ndërtuar mbi denoncime anonime të qytetarëve, i cili përmbante emrat e 100 punonjësve të administratës, ndaj të cilëve sipas Ramës, kishte pasur denoncime për shkelje apo abuzime me ligjin dhe postin që mbajnë.
Në këtë listë bën pjesë edhe Drejtori i Kapitenerisë Detare, Gazmir Tahiri.
Ky i fundit njihet si personi që në vitin 2013 e futi Shqipërinë në listën e bardhë të IMO (Organizata Botërore e Marinës) që i hapi rrugë mijëra punësimeve të detarëve shqiptarë në anijet e ndryshme nëpër botë.
Tahiri ka përballuar me sukses auditin e IMO në vitin 2016 me 9 deficenca po aq sa ka marrë edhe administrata suedeze për të njëjtën fushë./Hashtag.al
