Protesta e banorëve të Astirit të cilët kundërshtojnë vijimin e punimeve për ndërtimin e Unazës së Madhe, ka vetëm pak minuta që është mbyllur, pasi ajo zgjati më shumë se netëve të tjera për shkak të prezencës së lartë të policisë.
Nga kjo, protestuesit ju bënë thirrje ambasadorëve të huaj të akredituar në Tiranë si dhe përfaqësuesve të opozitës që t’ju gjendeshin pranë pasi ndjeheshin të kërcënuar për shkak të prezencës së lartë të forcave të rendit, atyre të FNSH-së dhe repartit “Shqiponja”.
Pas këtyre thirrjeve ishte vetë kryetari i Partisë Demokratike, Lulzim basha i cili u nis menjëherë drejt protestës nga ku bëri deklarata të forta se policia kishte marrë urdhër që të bënte arrestime dhe të terrorizonte protestuesit, duke argumentuar se kishin rrjedhur informacione për një urdhër të tillë (lexo këtu).
Ndërkohë Fax News ka siguruar foto dhe video nga prezenca e lartë e forcave të policisë në zonën e Unazës së Re, shumë pranë vendit ku po zhvillohej protesta e banorëve të Astirit.
(F.GJ/FAXWEB.AL)
Discussion about this post