Ambasada britanike në Tiranë në një postim në rrjetet sociale, shprehet thellësisht e shqetësuar lidhur me shembjen e Teatrit Kombetar, pas pasur më herët një konsultim mes palëve.
“Të shqetësuar thellësisht nga mundësitë e humbura për dialog mbi ndërtesën e Teatrit Kombëtar dhe episodet e dhunës në Shqipëri. Ne mbështesim të drejtën demokratike për të protestuar dhe u bëjmë thirrje të gjithë të përfshirëve për të siguruar që ata janë paqësorë. Dhuna minon parimet themelore të demokracisë”, thuhet në njoftimin e ambasadës.
Disa ditë më parë ambasada britanike ishte e para që deklaroi publikisht se duhej një dialog i gjerë për Teatrin, dhe se nuk duheshin marrë vendime arbitrare.
“Ne përkrahim thirrjen e komisionarit evropian Gabriel për dialog dhe të gjithë personat e përfshirë duhet të lejojnë kohë e hapësirë që kjo të ndodhë në mënyrë kuptimplotë. Dialogu nuk shkon kurrë dëm, sidomos në këto kohë të trazuara”, deklaronte ambasada dy ditë më parë. (E.K/Faxweb.al)
Discussion about this post