Pas humbjes në ndeshjen me Shqipërinë, trajneri i Lihtenshtejnit Rene Poritsh, është shprehur se ky ishte maksimumi që mund të bënte skuadra e tij, pavarësisht se ishin të përgatitur për një rezultat tjetër.
“Fatkeqësisht duhet ta falënderoj fituesin e merituar dhe kohet e fundit duhet theksuar kemi patur shume humbje. E dimë arsyen pse ka ndodhur kjo dhe shumica e lojtarëve nuk kanë eksperiencë. Kështu ndodhi edhe tek goli ku u krijuan hapësirat. Gjithsesi, ekipi u mbajt fort dhe luajtëm mirë për një kohë të gjatë. Shqipëria arriti standardin që donte, siç ishte fitorja.
Ishim përgatit që do luanim taktikisht në 90 minuta dhe vetëm topat e gjatë mund të na bënin punë. Ishte taktika jonë dhe munduam ta aplikonim, por nuk pati rezultatin e duhur. Doja të falënderoja ekipin për 60 min. Ekipi bëri të pamundurën për të marrë më të mirën. Luajtën ata që duhet të luanin. Ndryshimi? Deri në të 60 e mbajtëm 0 me 0 ndryshe nga ndeshja e parë dhe është gjë e madhe ndaj Shqipërisë.”, është shprehur Poritsh.
Ndeshja e sotme Shqipëri-Lihtenshtejn është mbyllur me rezultatin 2:0 për kuqezinjtë. Shqiptarët e nisën me vrull ndeshjen e sotme, ku kishin mjaft shanse për të shënuar, mirëpo goli i parë u bë vetëm në minutën e 54’, kur Odise Rroshi zhbllokoi shifrat me një goditje të prirët në zonë pas një topi të nisur nga goditja e këndit.
Më pas, në minutën e 78’, Agolli thellon rezultatin duke shënuar golin e dytë. (D.D/Shuplaka)
Discussion about this post