Gjykata e shkallës së parë ka lënë në masën e sigurisë “arrest shtëpie” shtetasin Marash Arra i dyshuar fillimisht për vrasjen e kushëririt të tij Lazer Arra në Shosh të Dukagjinit, por ndryshe nga policia prokuroria ngriti vetëm akuzën “për moskallëzim krimi”.
Prokuroria kërkoi masën e sigurise “arrest shtëpie” ndërsa pala mbrojtëse “detyrim paraqitje” dhe në fund gjykata e la me “arrest shtëpie” duke bërë që të lirohet nga paraburgimi ndërsa ishte me masën e sigurisë “arrest me burg”.
I dyshuari Marash Arra ka mohuar që në fillim akuzën ndaj tij duke thënë se nuk ka asnjë lidhje me vrasjen e kushëririt dhe se nuk ka dijeni se kush e ka vrarë.
Në gjykate kanë mberritur edhe përgjigjet për provat materiale dhe shtetasi Marash Arra nuk rezulton i përfshirë në asnjë përgjigje ekspertimi.
Lazër Arraj u gjet i vdekur nga nipërit e tij, ndërsa mësohet se ishte duke u kthyer për në Shkodër, ku ka edhe vendbanimin, ndërsa në fshat kishte qenë për të grumbulluar zahiretë e dimrit.
(E.K/Faxweb.al)
