Vijon në natën e dytë protesta e qytetarëve dhe simpatizantëve të Partise Demokratike, para Drejtorisë së Policisë të Elbasanit, në mbështëtje të 7 të arrestuarve nga ky qytet, të cilët penguan kalimin e eskortës së Kryeministrit më 13 qershor.
Protestuesve iu është bashkangjitur edhe ish-deputeti Luçiano Boçi, i cili në një prenoncim për media i ka dërguar mesazh të qartë kryeministrit Rama se kudo që do të shkel ai do të përballet me protesta.
Sipas ish-deputetit, pritja Ramës në Librazhd do t’i duket e ngrohtë nëse e krahason me atë çfarë e pret tani e në vijim kudo që do të shkelë.
Ndërs, duke i konsideruar arrestimet si politike Boçi u shpreh se asgjë nuk e ndal revoltën qytetare.
Ditën e nesërme pritet që Gjykata e Elbasanit të caktojë masën e arrestit për 7 të ndaluarit, përfshirë këtu edhe ish-deputetin Aurel Bylykbashi.
(B.L/FAXWEB.AL)
