Të tjera detaje janë zbuluar lidhur me ngjarjen e rëndë që ndodhi pak ditë më parë në komunën e Flero, në Brescia të Italisë, ku një vogëlushe 1-vjeçare humbi jetën si pasojë e kafshimeve të dy qenve pitbull.
Në një lidhje të drejtpërdrejtë me “Canale 5”, dy policët Domenico Castello e Graziano Vincenzo kanë treguar ngjarjen e tmerrshme.
“Qentë ishin egërsuar dhe rrotulloheshin vërdallë gjyshit që e mbronte vogëlushen me trupin e tij. Shiheshin këmbët e gjakosura të vajzës. Vendosëm t’i vrisnim me 3 plumba kafshët, situata ishte dramatike. Nuk po hapnim dot portën”- kanë thënë policët.
Edhe pse gjyshi 63-vjeçar është munduar ta shpëtonte mbesën, i cili ishte edhe pronari i kafshëve, nuk ka arritur t’ja dalë dot. Victoria Zikaj, vajza e emigrantit shqiptar Egi Zikaj, ka humbur jetën. (D.D/Shuplaka)
