Trajneri i xhudos në Kosovë Driton Kuka përmes një statusi në Facebook ka njoftuar të ditur se kreu i Federatës Ndërkombëtare të Xhudos, Marius Vizer i ka bërë të ditur kreut të Federatës së Xhudos së Kosovës, Agron Kuka, se xhudistet e Kosovës do të marrin pjesë në “The Best of the Best”, që do të mbahet në Shën Petersburg të Rusisë.
Ditë më parë, Kosovës i ishte refuzuar pjesmarrja me simbole shtetërore dhe FXHK nuk kishte pranuar të marr pjesë me flamurin e Federatës Botërore në këtë turne.Xhudistet Nora Gjakova e Distria Krasniqi do të marrin pjesë në Masterin e xhudos në Rusi.
Postimi i plotë
Sporti mbi politikën!
Kosova merr pjesë në Masters në Rusi.
Sot në mëngjes në një telefonatë në mes mikut tonë Kryetarit të IJF Marius Vizer dhe Kryetarit të FXhK Agron Kuka na u konfirmua pjesëmarrja në The best of the best në St.Petersburg!
Presidenti Vizer ishte njeriu që me angazhimin e tij dhe bisedat që kishte me njerëz nga Komuniteti sportiv por edhe politik të shtetit Rus përsëri bëri që Kosova të prezentohet e barabartë me shtetet tjera!
Faleminderim i madh të gjithë atyre që mundësuan të jemi të barabartë me shtetet tjera!
Me sport po thehen barrierat,në mungesë të Kampiones Olimpike e cila smund të marr pjesë në Masters në Rusi do na prezentojnë Nora Gjakova dhe Distria Krasniqi!
Foto nga Vizita e fundit e Presidentit Vizer në Kosovë vitin e kaluar!(M.Q/Faxweb)
#tokyo2020
Discussion about this post