Oerd Bylykbashi i del në mbrojtje deputetit demokrat Dashamir Tahiri, për të cilin prokuroria ka përfunduar hetimet duke dalë në konkluzionin se duhet të lërë detyrën. Për Tahirin, prokuroria gjeti se nuk ka deklaruar në formularin e dekriminalizimit një çështje patente false dhe një çështje tjetër të parave false në Itali.
Por demokrati Bylykbashi mendon se kjo gjë nuk mund të krahasohet me çështjet që sipas tij rëndojnë ndaj Elvis Rroshit.
”Elvis Rroshi është simboli edhe për shkak se ka bërë vetë Edi Rama ky nuk ka asnjë gjë, ka shumë emra. Edhe sot nuk ka asnjë dyshim. Zotëria duhet të ishte larguar, tani. Çdo tentativë që bëjnë avokatët e Edi Ramës është e mbyllur.
Askush nuk mund të vërë në pikëpyetje vullnetin e PD lidhur me dekriminalizimin. Por gjithsekujt atë që i takon: nëse një patentë është e barazvlefshme me trafikun e qenieve njerëzore këtë askush nuk e pranon.
Sado përpiqet PS ta barazojë me trafikun e qenieve njerëzore nuk e bën dot por t’ia lëmë dekriminalizmit.”, theksoi sot Bylykbashi.
Sipas tij dekriminalizmi është bërë për të hequr vrasësit dhe trafikantët, kriminelët, por jo për çështje deportimi, duke shpjeguar se ”nuk mund të bëhet qesharake”.
”Nuk mbrohet askush. Ligji i dekriminalizmit ka bërë çdo gjë.
Edi Ramës i djek Mark Frroku, vëllai i vet, motra në Lezhë, Elvis Rroshi dhe gjithë kriminelët e tjerë, ose donte t’i hiqte para dekriminalizimit ose tani t’ia mbajë në Parlament se kur duhet votuar duhet të presë të vijnë.
Të gjithë kriminelët do të largohen nga institucionet tani dhe do t’u bëhet një barrë.”, denoncoi më tej Bylykbashi. (V.G/SHUPLAKA)
